Handb: Sterke prestasjonar i Åpningscupen

Dale sine J15 og J16 har i helga spelt Åpningscupen i Bergen. Begge laga kom til kvartfinalar etter å ha spelt fleire gode kampar mot dyktige Bergenslag. J15 vart til slutt slått ut av Os som vart Norgesmeistarar i fjor med laget sitt, medan J16 gjekk på eit surt tap mot Fyllingen.

Dale sine spelarar imponerer i turneringa og er fullt på høgde med laga frå Bergen og spelarane deira. I forsvar ligg Dale i ein 5-1 formasjon og dreg ned tempoet i motstandarane sitt angrepsspel. I tillegg snappar vi ballen mykje og scorar fleire kontringsmål. I angrep har vi òg både fleire dyktige skyttarar og fintesterke spelarar. Når Andrea må spele ute på pga av mangel på spelarar, står Iris godt i mål og har mange viktige redningar.

Jentene skal òg ha skryt for å ha godt humør gjennom ei slitsam helg. I tillegg viser dei god moral når dei ligg under, og jamn jobbing både framover og bakover på bana fører til eit par herlige opphentingar. Her må spesielt J16 sin seier mot Årstad trekkast fram. Nokre småfeil i angrepsspelet og forsvarsspelet gjer at Dalelaga ikkje når heilt opp denne gongen, men spelarane skal vere godt fornøgde med til tider fantastisk spel og god innsats frå samtlege spelarar!

Godt jobba, jenter!

Resultat:

J15

Gneist 1 – Dale 13-9

Dale – Årstad 2 15-11

Fyllingen 1 – Dale 8-10

Os – Dale 18-11 (kvartfinale)

J16

Kjøkkelvik – Dale 8-12

Gneist 1 – Dale 14-11

Årstad – Dale 12-13

Dale – Fyllingen 7-10 (kvartfinale)

For Dale spelte Andrea Boge Solås, Amalies Ness, Rebekka Øen, Kjerstin Boge Solås, Sofie Stensæth, Oda Nedrebø, Kristiane Løseth Haugen, Iris N. Andreassen, Johanne Langeland (J16), Tone S. Løseth (J16) og Ingrid Hovland (J16).