For andre kamp på rad vart spelande trenar Stian Neset redningsmann på overtid. Sist vart han matchvinnar mot Sandane og denne gongen sørga for han for eit poeng borte mot Fjøra.
Stian spelte dei siste 25 minutta og rakk verkeleg å sette sitt preg på kampen. Eit kvarter før slutt bomma han på straffe, men gjorde det altså godt igjen med scoring på overtid.
Også Fjøra bomma på ei straffe, men utover det skapte sogningane svært lite på oss.
I ein spelemessig svak kamp hadde Frank åleine 3 kjempesjansar som burde gitt mål, og sjølv om uavgjort var greit nok så hadde det ikkje vore noko å seie på om vi hadde tatt full pott trass i at vi var skuffande svake spelemessig.
Einar Furset måtte gå ut tidleg i 2.omgang etter å fått eit kne i nasa i ein duell inne i feltet. Det minna mistenkeleg om eit brot, men ein tur på legevakta i Sogndal gav ikkje noko endeleg svar.
Einar skal til undersøking på Sentralsjukehuset på tysdag, så då får vi nok nærare svar på det.
Kampfakta, Firdaligaen
Fjøra – Dale 1-1 (0-0)
Sogndal stadion
Mål:
1-0 62 min. Johan Salvesen
1-1 91 min. Stian Neset
Gule kort: Johan Salveson, Fjøra og Stian Neset, Dale
Dommar: Ståle Sandal, Breimsbygda
Lagoppstilling:
Knut Strand Løseth, Idar Haugen Rochlenge, Anders Furset, Erlend Osland, Eirik Svorstøl, Kees Erstad, Eirik Systaddal, Martin Tonning, Vegard Dyrstad, Einar Furset, Frank Vik
På benken:
Kristian Aase (for Einar i 55. min), Stian Neset (for Eirik i 68. min), Alexander Myklebust (for Martin i 73. min), Geir Loneland (for Frank i 81. min), Jan-Anders Tonning Wichstrøm